Аймгийн арслан М.Баасанжав Монгол бөхийн өргөөний барилдаанд анх удаа түрүүлэв

Монголын үндэсний бөхийн холбооноос зохион байгуулдаг 2025-2026 оны улирлын цуврал Баянхонгор аймгийн Баян-Овоо сумын түүхт 80 жилийн ой, тус сумын харьяат, улсын гарди П.Сүхбатын нэрэмжит улс, аймаг, цэргийн цолтой 128 бөхийн барилдаанаар үргэлжиллээ. М.Баасанжав арслан улс, аймгийн цолтой бөхчүүдийн барилдаанд анх удаа түрүүлээд зогсохгүй П.Сүхбат гардийн нэрэмжит “Улсын цолд ойрхон бөх”-ийн шагнал гардлаа.