Аж үйлдвэрийн салбарын үйлдвэрлэл 54 хувиар нэмэгджээ

Аж үйлдвэрийн салбарын үйлдвэрлэл энэ оны эхний хоёр сарын урьдчилсан гүйцэтгэлээр 10.4 их наяд төгрөг болж, өнгөрсөн оны мөн үеийнхээс 54 хувь буюу 3.6 их наяд төгрөгөөр нэмэгдлээ. Уул уурхай, олборлох аж үйлдвэрийн салбар 66.8 хувь буюу 3.4 их наяд, цахилгаан хий, уур агааржуулалтын салбар 43.3 хувь буюу 235.5 тэрбум төгрөгөөр нэмэгдсэн нь голлон нөлөөлснийг Үндэсний статистикийн хороо мэдээлэв.