Багануур дүүргийн Боловсрол сургуулийн гадна талбайг тохижуулжээ

Боловсрол цогцолбор сургуулийн хичээлийн нэг, хоёрдугаар байрны 3000.0 м.кв гадна талбайн тохижилтын ажил бүрэн дуусаж, улсын комисс хүлээн авлаа. Сургууль орчмын шороон болон бетон хучилтын ажил, явган зам, сагсан бөмбөг, хөл бөмбөгийн талбай, гүйлтийн замын EPDM резинэн хучилт, хөл бөмбөгийн талбайн хиймэл зүлэг, төмөр торон хашаа, гэрэлтүүлэг болон тохижилтыг хийжээ. Уг ажлыг нийслэлийн төсвийн хөрөнгө оруулалтаар гүйцэтгэн, суралцагчдыг эрүүл, аюулгүй орчинд сурч боловсрох нөхцөлийг бүрдүүлж байна.