"Биологийн олон янз байдлыг хамгаалах санхүүжилтийн шинэ механизмыг бүрдүүлэх шаардлагатай"
Уур амьсгалын өөрчлөлт, газрын доройтол, хүний үйл ажиллагааны нөлөөгөөр биологийн олон янз байдалд учрах дарамт нэмэгдэж байгааг олон судалгаа баталсаар буй. Байгаль орчин, уур амьсгалын өөрчлөлтийн яамны Төрийн нарийн бичгийн дарга Ш.Батбаяр үг хэлэхдээ “Монгол Улс байгалийн өв, экосистемийн хувьд дэлхийд онцгой байр суурь эзэлдэг. Газар нутгийн 20.8 хувь нь улсын тусгай хамгаалалтад хамрагдсан нь дэлхийн хэмжээнд чухал хамгаалалтын сүлжээний нэг юм. Биологийн олон янз байдлыг хамгаалах асуудлыг зөвхөн зардал гэж бус, урт хугацааны өгөөж бүхий хөрөнгө оруулалт гэж харах хандлага дэлхий даяар төлөвшиж байна. Монгол Улс ч энэ чиг хандлагад нийцсэн санхүүжилтийн шинэ механизм, олон эх үүсвэрт тулгуурласан тогтолцоог бүрдүүлэх шаардлагатай гэв.
