Боловсролын салбар дахь төр, хувийн хэвшлийн түншлэлийг бэхжүүлэх чиглэлээр хамтран ажиллана

Боловсролын яамны Төрийн нарийн бичгийн дарга Х.Батжаргал Азийн хөгжлийн банкны Зах зээлийн хөгжлийн тэргүүлэх мэргэжилтэн Ичиро Аоки тэргүүтэй төлөөлөгчдийг өнөөдөр хүлээн авч уулзлаа. Уулзалтаар боловсролын салбар дахь төр, хувийн хэвшлийн түншлэлийн нөхцөл байдал, эрх зүйн орчны сүүлийн үеийн шинэчлэл, энэ хүрээнд хэрэгжүүлж буй төслүүд, тулгарч буй сорилтын талаар ярилцсаныг Боловсролын яам мэдээлэв.