Буйр нуурт живсэн тээврийн хэрэгслийг зургаан метрийн гүнээс татан гаргажээ

Дорнод аймгийн Халхгол сумын нутаг дэвсгэрт “Буйр” нуурын мөсөн дээгүүр зорчиж явсан автомашин живсэн. Уг хэргийн улмаас дөрвөн хүн амиа алдсан байна. Онцгой байдлын алба хаагчид эргээс 300 метрийн зайд цооног гаргаж, дроноор тандалт хийн байршлыг тодорхойлж, зургаан метрийн гүнээс автомашиныг татан гаргаж, нэрвэгдэгчдийн цогцсыг гарган, Цагдаагийн байгууллагад хүлээлгэн өглөө.