Бусдыг дээрэлхэж, зодсон 5 хүүхдийг яллагдагчаар татан, нэгд нь хилийн хориг тавьж, "Шангри Ла" худалдааны төвийн аваарын шатны хэсгийг битүүмжлүүлжээ

Ахлах ангийн сурагчид нэгнээ дээрэлхэж, биед нь халдаж буй бичлэг олон нийтийн сүлжээнд цацагдсаныг цагдаагийн байгууллага шалгаж байгаа мэдээлсэн. Уг хэргийн шалгалтын талаар Сүхбаатар дүүргийн прокурорын газраас тодруулахад дараах хариултыг өглөө. Цахим сүлжээнд гарсан бичлэгтэй холбогдуулан нэр бүхий таван хүүхдийг насанд хүрээгүй хохирогчид тодорхой үйлдэл хийх, хийхгүй байхыг шаардаж биед нь халдаж, хүч хэрэглэсэн үндэслэлээр яллагдагчаар татан, мөрдөн шалгах ажиллагаа явуулж байна.