"Чингис Хаан" нисэх буудлын өргөтгөл, хүчин чадлыг нэмэгдүүлэх бэлтгэл ажлын талаар хэлэлцлээ

Монгол Улсын Засгийн газрын гишүүн, Зам, тээврийн сайд Б.Дэлгэрсайхан Япон Улсаас Монгол Улсад суугаа Элчин сайд хүлээн авч уулзлаа. Уулзалтын үеэр Япон Улсын Засгийн газраас Монгол Улсад олгож буй иенийн хөнгөлөлттэй зээлийн хүрээнд хэрэгжих “Чингис Хаан” олон улсын нисэх буудлын өргөтгөл, хүчин чадлыг нэмэгдүүлэх төслийн явц, бэлтгэл ажлын талаар ярилцлаа.