Чухал ашигт малтмалын чиглэлээр үргэлжлүүлэн хамтарч ажиллахаа илэрхийлжээ

Монгол Улс, БНСУ хоёр улс чухал ашигт малтмалын чиглэлээр хамтран ажиллах боломжийг эрэлхийлж байна. Монгол Улсад БНСУ-ын буцалтгүй тусламжаар байгуулсан Ховор металлын хамтарсан судалгааны төвийн үйл ажиллагаанд үндэслэн энэ зорилгоо биелүүлэхийг БНСУ-ын Худалдаа, аж үйлдвэр, эрчим хүчний яамны худалдааны хэлэлцээ хариуцсан дэд сайд хатагтай Квон Хе Жин тэргүүтэй төлөөлөгчид АҮЭБЯ-ны Төрийн нарийн бичгийн дарга Б.Дашпүрэвтэй уулзах үеэрээ илэрхийлжээ.