Эх хүүхэд, нярайн эрүүл мэндийг дэмжих “Энх-Мэнд” хөтөлбөр үндэсний хэмжээнд хэрэгжинэ

Монголын Алт (МАК) ХХК нийгмийн хариуцлагын бодлогын хүрээнд эх, хүүхэд, нярайн мэс заслын тусламж, үйлчилгээг сайжруулах урт хугацааны, тогтвортой санаачилгыг эхлүүлж, Эх, хүүхдийн эрүүл мэндийн үндэсний төв (ЭХЭМҮТ)-тэй хамтран “Энх-Мэнд” хөтөлбөрийг орон даяар хэрэгжүүлэх хамтын ажиллагааны гэрээнд гарын үсэг зурлаа. Энэ хөтөлбөр нь эх, хүүхэд, нярайн эрүүл мэндийг дэмжих чиглэлд Монгол Улсын 21 аймаг, 330 сумыг хамарсан, үндэсний хэмжээний анхдагч санаачилга болж байна.