Элчин сайд нарт Итгэмжлэх жуух бичиг гардууллаа

Монгол Улсын Ерөнхийлөгч У.Хүрэлсүх Орос, Арабын Нэгдсэн Эмират Улсад суух Элчин сайд нарын итгэмжлэх жуух бичгийг гардууллаа. Элчин сайд нар үндэсний язгуур эрх ашгийг дээдлэн харилцаа, хамтын ажиллагааг гүнзгийрүүлэн хөгжүүлэх, хөрөнгө оруулалт татах, эх хэл, түүх, соёл, зан заншил, уламжлалаа өвлүүлэх, түгээн дэлгэрүүлэх, эх орноо сурталчлан таниулах зэрэгт анхаарч ажиллахыг үүрэг болголоо.