Эмийн хангамжийн тасалдлыг бууруулах хамтын ажиллагааны санамж бичиг байгуулав

Эрүүл мэндийн сайд Ж.Чинбүрэн болон НҮБ-ын Хөгжлийн хөтөлбөрийн Суурин төлөөлөгч Матилда Димовска нар харилцан ойлголцлын Санамж бичигт гарын үсэг зурлаа. Энэхүү Санамж бичгийг байгуулснаар НҮБ-ын Хөгжлийн хөтөлбөр олон улсын байгууллагаар дамжуулан эрүүл мэндийн байгууллагын тусламж үйлчилгээнд түгээмэл хэрэглэдэг, зардал өндөр, нэн шаардлагатай, тасалдал үүсэх өндөр эрсдэлтэй эмийг чанартай, боломжийн үнээр нэг эх үүсвэрээс шууд худалдан авах боломж бүрдэж байна.