Фүжи уулын бэлд Японы хамгийн үнэтэй будаа, ногоог тарьдаг миний "аав, ээж"

Япон улсын талаарх ойлголтыг нэмэгдүүлэх зорилготой JENESYS хөтөлбөрийн энэ удаагийн ээлжид Монгол Улсаас 24 хүн оролцлоо. Энэхүү хөтөлбөрийн хүрээнд Шизүока мужийн Готэмба хотыг зорьж, нутгийн тариаланчдын гэрт хоёр хоног байрлан нэг гэр бүл болж амьдрах боломж тохиосон юм. Монголчууд Отгонтэнгэр хайрхан харагдах хүндээ л харагдана гэж ярьдаг шиг Фүжи уулыг харах ч бас тийм хялбар зүйл биш аж.