Гиорги Твалавадзе: Монголын компаниуд зөвхөн дотооддоо биш, олон улсад өрсөлдөх чадвартай болжээ

Гүрж Улсын иргэн Гиорги Твалавадзе Монголд 7 жил амьдарсан. Тэрээр Монголын Мянганы сорилтын сангийн Худалдан авах ажиллагааны төлөөлөгч, Английн "Чарльз Кендаль энд Партнерс" зөвлөх компанийн менежер. Гиорги Твалавадзе Монголын зун, хаврын улирал үнэхээр сайхан, хүмүүсийн зочломтгой зан нь уламжлал, гэр бүлийн ёс заншилтай нягт холбоотойгоороо илүү онцгой санагддаг гэж хэлжээ.