Г.Занданшатар: Хөдөлмөр эрхлэлтийг дэмжих жилийн хүрээнд ажлын байрыг нэмэгдүүлэхэд анхаарч ажиллана

Монгол Улсын Засгийн газар 2026 оныг Хөдөлмөр эрхлэлтийг дэмжих жил болгон зарласан. Энэ хүрээнд хөдөлмөрийн зах зээлийн өнөөгийн нөхцөл байдал, цаашдын чиг хандлага, тулгамдсан асуудлын талаар хэлэлцэж, хөдөлмөр эрхлэлтийн бодлогын хүрээнд салбар болон байгууллага хоорондын уялдааг хангах, бодлогын шинэчлэлийн чиглэлийн санал, зөвлөмж гаргах зорилготой “Хөдөлмөр эрхлэлтийн шинэ эринд бид бэлэн үү” арга хэмжээг зохион байгууллаа.