Индонезид 7.4 магнитудын хүчтэй газар хөдлөлт болжээ

Индонезийн зүүн хойд хэсэгт орших Молуккийн тэнгист газар хөдлөлт болсон талаар АНУ-ын Геологийн албанаас мэдээлэв. Голомтоос 1,000 км-ийн радиуст Индонез, Филиппин, Малайзын эрэг дагуу цунамигийн давалгаа үүсэх боломжтойг анхааруулж байна. Индонез улс нь тектоник хагарлын томоохон бүс дээр оршдог бөгөөд Номхон далайн сав газрыг тойрсон галт уул, хагарлын бүсэд байрладаг тул газар хөдлөлт, галт уулын дэлбэрэлт байнга тохиолддог.