"Ханиадны эм" гэх бүтээгдэхүүний найрлагад мансууруулах үйлчилгээтэй бодис байна

Ханиадны эм нэрээр борлуулж буй бүтээгдэхүүнтэй холбоотойгоор энэ онд Цагдаагийн байгууллагад 14 гомдол бүртгэгджээ. Уг эмийн найрлагад НҮБ-ын Мансууруулах эм, сэтгэцэд нөлөөт бодисын тухай конвенцын гурав дахь жагсаалтад багтсан сэтгэцэд нөлөөт бодис агуулагдаж байгаа нь тогтоогдлоо. Иргэдэд эм тариаг зөвшөөрөлтэй байгууллагаас худалдан авч, эмчийн жорын дагуу хэрэглэхийг Цагдаагийн байгууллагаас анхааруулж байна.