Хөрсний ус, үерийн хамгаалалт төслийг төвийн зургаан дүүрэгт хэрэгжүүлнэ

Монгол Улсын нийслэл Улаанбаатар хотод хөрсний ус, үерийн хамгаалалт төслийг хэрэгжүүлэхээр төлөвлөжээ. Төслийн хүрээнд нийслэлийн бохир усны төвлөрсөн сүлжээний насжилт өндөр, эвдрэл гэмтэл ихтэй хэсгүүдийг орчин үеийн “trenchless” буюу ухалтгүй технологиор сэргээн засварлах бөгөөд энэ нь гудамж талбайг өргөн хэмжээгээр ухахгүйгээр шугамын дотор шинэ давхарга үүсгэн, бүтцийн бат бэхийг сайжруулах, ашиглалтын хугацааг уртасгах боломжийг олгох аж.