Ховд аймгийн Жаргалант суманд менингококкт халдварт өвчний хоёр тохиолдол бүртгэгдэж, нэг хүн нас баржээ

Ховд аймгийн төв Жаргалант суманд менингококкт халдварт өвчний тохиолдол бүртгэгдсэнтэй холбогдуулан зарим сургуульд хязгаарлалтын арга хэмжээ авчээ. Жаргалант сумын Долоодугаар сургуулийн 1-5 ангийн сурагчдын хичээл сургалтыг цахимаар зохион байгуулахаар болсон байна. Аймгийн хэмжээнд ерөнхий боловсролын сургууль, цэцэрлэгийн сурагчдын дунд олон нийтийг хамарсан спорт, соёл урлагийн арга хэмжээ, бүх төрлийн секц дугуйланг хугацаанд хязгаарлах захирамж гаргажээ.