Хувьцаа эзэмшүүлнэ гэж залилж, бусдаас 7 тэрбум төгрөг бүхий үл хөдлөхийг шилжүүлэн авчээ

Хан-Уул дүүргийн 3 дугаар хороонд байрлах, нийтийн зориулалттай Арьс ширний 25, 26 дугаар орон сууцыг буулгаж, дахин барилгажуулах төслийг тойрсон залилангийн хэргийг шүүхэд шилжүүлжээ. Иргэн М.Б нь төсөлд хөрөнгө оруулах нэрийдлээр, нэр бүхий хоёр иргэний өмчлөлийн үл хөдлөх хөрөнгийг бусдад шилжүүлсэн мөн нэг иргэний орон сууцыг бэлэглэлийн гэрээгээр өөрийн нэр дээр шилжүүлэн авсан байна.