Мандалговь-Арвайхээр чиглэлийн 287 км урт цахилгаан дамжуулах агаарын шугамыг барина

Монгол Улс, Олон улсын сэргээн босголт, хөгжлийн банк хоорондын Эрчим хүч-4 төслийн зээлийн хэлэлцээрийг хэлэлцэж, гишүүдийн олонх буюу 59.1 хувийн саналаар дэмжсэнээр санал дүгнэлтийг Аюулгүй байдал, гадаад бодлогын байнгын хороонд хүргүүлэхээр болов. Төслийн хүрээнд Мандалговь-Арвайхээр чиглэлийн 220 кВ-ын хоёр хэлхээт 287 км урт цахилгаан дамжуулах агаарын шугам, дэд станцын өргөтгөх төслийг Олон улсын сэргээн босголт, хөгжлийн банкны 78 сая ам.долларын зээлийн хөрөнгөөр хэрэгжүүлнэ.