Монгол, АНУ-ын хоорондын XVII улс төрийн зөвлөлдөх уулзалт болов

Монгол Улсын Гадаад харилцааны яам, АНУ-ын Төрийн департамент хоорондын XVII Улс төрийн зөвлөлдөх уулзалт Гадаад харилцааны яаманд боллоо. Уулзалтын үеэр хоёр улсын харилцааны бэлгэ тэмдэг болсон АНУ-ын Мянганы сорилтын корпорацын Усны компакт гэрээ товлогдсон хугацаандаа, батлагдсан төсөвтөө багтан амжилттай дуусгавар болж буйг талууд харилцан сайшааж, цаашид энэ хэлбэрийн хамтын ажиллагааг харилцан ашигтай бусад салбарт хэрэгжүүлэх асуудлаар мөн ярилцсан.