“Монгол” арт галерей “Бээжин Дандай 2026” олон улсын арт экспод оролцоно

Монголын орчин үеийн урлаг, өв соёлыг олон улсад таниулах сурталчлах зорилготой “Монгол” арт галерей “Бээжин Дандай 2026” олон улсын арт экспод албан ёсоор оролцох болсноор энэхүү нэр хүндтэй үзэсгэлэнд оролцож буй анхны Монгол галерей болж байна. Энэ жилийн “Бээжин Дандай” үзэсгэлэнг “Газрын мөр” ерөнхий сэдвийн хүрээнд Бээжин хотын Үндэсний хөдөө аж ахуйн үзэсгэлэнгийн төвд энэ сарын 21-24-нд зохион байгуулах аж.