Монгол-Польшийн парламентын бүлгийн гишүүд Бүгд Найрамдах Польш Улсад айлчилж байна

УИХ-ын гишүүн, УИХ дахь Монгол-Польшийн парламентын бүлгийн дарга Ж.Золжаргал тэргүүтэй гишүүд Бүгд Найрамдах Польш Улсын Сеймийн гишүүн, Польш-Монголын парламентын бүлгийн дарга С.Горчицагийн урилгаар тус улсад айлчилж байна. Тэд Бүгд Найрамдах Польш Улсын Сеймийн дэд маршал (парламентын дэд дарга) Дорота Нежелад бараалхаж, хоёр улсын хооронд дипломат харилцаа тогтоосны түүхт 76 жилийн ойн өдрөөр Бүгд Найрамдах Польш Улсын Сеймийн гишүүн, Польш-Монголын парламентын бүлгийн дарга С.Горчица тэргүүтэй тус бүлгийн гишүүдтэй бүлэг хоорондын албан ёсны уулзалт хийлээ.