Монгол Улс, БНСУ-ын ГХЯ хоорондын Стратегийн уулзалт болов

Гадаад харилцааны дэд сайд Г.Амартүвшин Солонгос Улсад ажиллах үеэр тус улсын Гадаад хэргийн тэргүүн дэд сайд Паг Юн Жүтэй энэ сарын 23-нд Монгол, Солонгосын Гадаад харилцааны яам хоорондын Стратегийн уулзалт хийв. Талууд хоёр улсын “Стратегийн түншлэл”-ийн харилцааг өргөжүүлэн хөгжүүлэхэд дээд, өндөр түвшний харилцан айлчлал, улс төрийн яриа хэлэлцээний идэвхийг хадгалах нь чухал болохыг тэмдэглэж, харилцаа, хамтын ажиллагааг бүхий л салбарт гүнзгийрүүлэн хөгжүүлэхийн төлөө байгааг нотлов.