Монгол Улс, Монтенегро Улсын ГХЯ хоорондын Улс төрийн анхдугаар зөвлөлдөх уулзалт болов

Монгол Улсын Гадаад харилцааны яам болон Монтенегро Улсын Гадаад хэргийн яам хоорондын Улс төрийн анхдугаар зөвлөлдөх уулзалт энэ сарын 7-нд цахимаар болов. Хоёр улсын харилцаа, хамтын ажиллагааны өнөөгийн байдал болон цаашдын хамтын ажиллагааны өргөн боломжийг дэлгэрэнгүй санал солилцож, худалдаа, эдийн засгийн харилцааг идэвхжүүлэх, аялал жуулчлалын салбарын хамтын ажиллагааг өргөжүүлэх, мөн шинжлэх ухаан, соёл, спортын салбарын харилцааг хөгжүүлэх боломжийг эрэлхийлэх, хувийн хэвшил хоорондын шууд хамтын ажиллагааг дэмжих, хамтарсан бизнес форум зохион байгуулах асуудлаар хэлэлцэв.