Монгол Улсын баг мөсөн сийлбэрээр дэд байр эзэллээ

Монголын уран сийлбэрчид АНУ-ын Аляска мужийн Фэйрбэнкс хотод болсон "Ice Alaska – World Ice Art Championship" мөсөн урлалын тэмцээнд дэд байрт шалгарлаа. Тэд "Everything is Waking Up" буюу байгаль дэлхийн сэргэлтийг илэрхийлсэн бүтээлээр өрсөлджээ. Монголын уран сийлбэрчид сүүлийн 20 гаруй жилийн турш тус тэмцээнд тогтмол оролцож, өөрсдийн дахин давтагдашгүй арга барил, үндэсний хэв шинжийг шингээсэн бүтээлүүдээрээ дэлхийд танигдаад байгаа юм.