"Монголын шог зураг" сэдэвт шуудангийн маркийг албан ёсоор гүйлгээнд гаргалаа

Монгол Улсын Үндэсний Номын Сангийн Үнэт ховор номын музейд "Монголын шог зураг" маркийн нээлтийн ёслол боллоо. "Тоншуул" сэтгүүлийн 90 жилийн ойд зориулан "Монголын шог зураг" сэдэвт шуудангийн маркийг албан ёсоор гүйлгээнд гаргаж байна. Уг маркт Монголын шог зургийн хөгжлийн үе шатыг төлөөлсөн, нэрт уран бүтээлчидийн бүтээлүүдийг нэг дор багтааснаар Монголын шог зургийн урлагийн хөгжил, онцлогийг цогцоор нь харуулжээ.