Nestlé компани 400,000 гаруй ширхэг KitKat шоколад ачсан автомашин замаасаа хулгайлагдсаныг мэдээлжээ

Швейцарын хүнсний аварга үйлдвэрлэгч Nestlé компани их хэмжээний KitKat шоколад тээвэрлэж явсан ачааны автомашин замаасаа хулгайлагдсаны улмаас Улаан өндөгний баярын үеэр Европын зах зээлд хомсдол үүсэж болзошгүй болсон. Хулгайлагдсан шоколадын ачаатай автомашин Италийн төв хэсгээс Польш улсыг чиглэж явсан бөгөөд зам зуур бусад улсуудад бүтээгдэхүүнээ түгээх төлөвлөгөөтэй байсан.