Н.Тавинбэхийн зөвлөх асан П.Товуудоржийг үргэлжлүүлэн цагдан хорихоос татгалзав

Нийслэлийн прокурорын газраас яллагдагч П.Товуудоржид “Эрх мэдэл, албан тушаалын байдлаа урвуулан ашиглах” гэмт хэрэгт холбогдуулан эрүүгийн хэрэг үүсгэж яллагдагчаар татаж, улмаар түүнд цагдан хорих таслан сэргийлэх арга хэмжээг аваад буй. Шүүхээс хавтаст хэргийн материалд цугларсан нотлох баримт, шүүхийн хэлэлцүүлэгт гаргасан прокурорын санал, яллагдагч, түүний өмгөөлөгч нарын тайлбар, яллагдагчийн эрүүл мэндийн байдалтай холбоотой баримтууд зэрэгтэй танилцаад прокурорыг “цагдан хорих таслан сэргийлэх арга хэмжээг сунгах болсон үндэслэлээ баримтаар нотлоогүй, шүүхийн хэлэлцүүлэгт үндэслэл бүхий тайлбар хийгээгүй” хэмээн дүгнэн саналыг хүлээн авахаас татгалзаж шийдвэрлэсэн байна.