Сар шинийн барилдаанд 27 жилийн дараа хоёр дархан аварга цолтон зодоглоно

Сар шинийн баярт зориулсан улс, аймаг, цэрэг, сумын цолтой 256 бөхийн барилдаан Монгол бөхийн өргөөнд өнөөдөр эхэлнэ. Дархан аварга А.Сүхбат, Н.Батсуурь, улсын аварга П.Бүрэнтөгс, О.Хангай гэсэн дөрвөн аварга, зургаан арслан, нэг гарди, 10 заан, 16 харцага, 28 начин, нийт улсын цолтой 66 бөх зодоглохоор бүртгүүлжээ.