Шуурхай удирдлагын төвийн ажил 30 хувьтай байна

Нийслэлийн онцгой байдлын газрыг энэ онд Шуурхай удирдлагын төвтэй болгож байна. Улаанбаатар хотод 19 байршилд өндрийн камер суурилуулж, галын автомашин бүрт камер, GPS-тэй, гал сөнөөгч бүр энгэрийн камертай болж бүх камеруудыг хиймэл оюун ухаанд холбох юм. Удирдлагын төвөөс нөхцөл байдлыг шууд хянаж, мэргэжил аргазүйн тактикийг оновчтой түргэн шуурхай боловсруулж, мэргэжлийн байгууллагуудыг бодит мэдээллээр хангах нөхцөл бүрдэнэ.