Тэтгэврийн нөөц сангийн хөрөнгө 2.7 тэрбум төгрөгөөр өсжээ

Нийгмийн даатгалын багц хууль 2024 оны нэгдүгээр сарын 1-ний өдрөөс хэрэгжиж эхлэхтэй зэрэгцэн тэтгэврийн хагас хуримтлалын тогтолцоонд шилжиж, нөөц санг бий болгосон. Тэтгэврийн нөөц сангийн хөрөнгийг найдвартай, үр өгөөжтэй, ил тод, хараат бус байх зарчмыг баримтлан Засгийн газрын үнэт цаас, Монголбанкны үнэт цаас худалдан авах, Төрийн сангийн нэгдсэн дансанд байршуулах мөнгөн хадгаламж, банкны системд нөлөө бүхий арилжааны банканд мөнгөн хадгаламж хэлбэрээр байршуулах гэсэн дөрвөн төрлийн санхүүгийн хэрэгсэлд хөрөнгө оруулахаар зохицуулсан байдаг.