ТХГН-ийн тухай хуулийн шинэчилсэн найруулгын төсөл: Хамгаалахын зэрэгцээ зүй зохистой ашиглах шинэ боломжуудыг нээнэ

Монгол Улсын Байгаль орчин, уур амьсгалын өөрчлөлтийн яамнаас Тусгай хамгаалалттай газар нутгийн тухай хуулийн шинэчилсэн найруулгын төслийг боловсруулжээ. Энэ хуулийн шинэчилсэн найруулгын төсөл нь улс орны нийгэм, эдийн засгийн шаардлага, олон улсын жишигт нийцсэн, хуулийн үйлчлэх хүрээг нарийвчлан тодорхойлж, бусад хууль тогтоомжийн уялдаа холбоог хангасан, байгалийг хамгаалахын зэрэгцээ зүй зохистой ашиглах шинэ боломжуудыг нээж, засаглал, менежмент, санхүүжилт зэрэг тулгамдсан асуудлуудыг цогцоор нь шийдвэрлэхэд чиглэсэн байна.