Төв болон зүүн аймгуудын нутгаар цас орно

Монгол Улсын цаг уур, орчны шинжилгээний газраас мэдээлснээр төвийн аймгуудын нутгийн зарим газар, зүүн аймгуудын нутгийн хойд хэсгээр өнөөдөр цас орж, говь, тал хээрийн нутгаар салхи шуургатай байх гэж таамаглаж байна. Увс нуур болон Дархадын хотгор, Тэс голын хөндийгөөр -6-11 градус, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэрэлж голын хөндийгөөр +1-4 градус хүйтэн байна.