Түүхийн багш нарт Чингис хаан үндэсний музейд сургалт явуулах эрх олгоно

Монголын түүхийн багш нарын улсын анхдугаар зөвлөгөөн Төрийн ордонд эхэллээ. Зөвлөгөөнийг нээж, Монгол Улсын Ерөнхийлөгч У.Хүрэлсүх хэлсэн үгэндээ “Аугаа түүхээ өвлүүлэн үлдээх, эх орон, төрт ёс, өвөг дээдэс, өв соёлоороо бахархах сэтгэлийг төлөвшүүлэх, сурталчлан таниулах, үндэстний ой санамжийг бататган бэхжүүлэх үйлсэд түүхийн багш, түүхчид, соён гэгээрүүлэгчид манлайлах учиртай”-г хэллээ.