Туул усан сан 50 сая шоо метр хүртэл ус хуримтлуулан үерийн үеийн оргил урсцыг сааруулна гэж мэдээллээ

Монгол Улсын Засгийн газар 2026-2033 оны хооронд "Туул усан сан цогцолбор" төслийг хэрэгжүүлэхээр төлөвлөжээ. Тус төсөл нь усан сан, ус дамжуулах шугам сүлжээ, цэвэршүүлэх байгууламжийг хэрэгжүүлэхээр төлөвлөгдсөн бөгөөд тус усан сангийн далангийн урт 685.15 метр, өндөр 35.8 метр, хурдасны гүн 19.84 метр байх аж.