УИХ-ын байнгын хороодын даргаар Б.Жавхлан, П.Ганзориг нарыг сонголоо

УИХ-ын чуулганы энэ сарын 23-ны өдрийн нэгдсэн хуралдаанаар зарим байнгын хорооны даргыг сонгох, чөлөөлөх тухай асуудлыг хэлэлцлээ. Төрийн байгуулалтын байнгын хорооны даргаар УИХ-ын гишүүн Б.Жавхланг сонгох эсэх санал хураалтыг явуулахад хуралдаанд оролцсон гишүүдийн 61.7 хувь, Хүний хөгжил, нийгмийн бодлогын байнгын хорооны даргаар УИХ-ын гишүүн П.Ганзоригийг сонгохыг хуралдаанд оролцсон гишүүдийн 64.9 хувь нь тус тус дэмжлээ.