Улсын заан М.Лхагвагэрэл Сар шинийн барилдаанд Завханаас түрүүлсэн анхны бөх боллоо

Билгийн тооллын XVII жарны “Сүрээр дарагч” хэмээх гал морин жилийн сар шинийн баярт зориулсан улс, аймаг, цэрэг, сумын цолтой болон залуу хүчит 256 бөхийн барилдаан Монгол бөхийн өргөөнд хоёр өдөр үргэлжилж өндөрлөлөө. Завхан аймгийн Яруу сумын харьяат, “Хилчин” спорт хороо, “Завхан даян” дэвжээний бөх, улсын заан М.Лхагвагэрэл түрүүлж, Ховд аймгийн Буянт сумын харьяат, “Аврагч” спорт хороо, “Ховд” дэвжээний бөх улсын аварга О.Хангай үзүүрлэлээ.