"Усны компакт хөтөлбөрийн зорилго нь усны хомсдолоос сэргийлэх"

Монгол Улсын Засгийн газар болон АНУ-ын Мянганы сорилтын корпорацын хамтын ажиллагааны хүрээнд хэрэгжүүлж буй II Компакт гэрээ буюу “Усны Компакт” хөтөлбөр нь нийслэлийн ус хангамжийг нэмэгдүүлэх, нөөцийг хамгаалах, тогтвортой хэрэглээг бий болгоход чиглэсэн стратегийн ач холбогдол бүхий чухал бүтээн байгуулалт болсон. Усны Компакт хөтөлбөр амжилттай хэрэгжиж байгаа бөгөөд Улаанбаатар хотын ус хангамжийг нэмэгдүүлэхэд чиглэсэн хоёр том үйлдвэр баригдаж, ажиллах боломжтой болжээ.