Япон Улстай Их сургуулийн эмнэлгийн системийг нутагшуулах чиглэлд хамтран ажиллана

Япон Улсын Сангийн дэд сайд ноён Мимура Ацүши Монгол-Японы эмнэлэгт өчигдөр зочлов. Уулзалтын үеэр эмнэлгийн ачаалал нэмэгдэж байгаатай холбогдуулан эмнэлгийн өргөтгөлийн асуудлыг хөндөж, цаашид лавлагаа шатлалын тусламж, үйлчилгээний хүртээмжийг нэмэгдүүлэх, сургалт-эрдэм шинжилгээний үйл ажиллагааг өргөжүүлэх, орчин үеийн дэвшилтэт тоног төхөөрөмжийг бүрэн хүчин чадлаар ашиглах нөхцөлийг бүрдүүлэх зорилгоор 350 ортой эмнэлгийн барилга байгуулах зураг төслийг танилцуулан, санал солилцов.