Ерөнхий сайд Г.Занданшатарт БНХАУ-ын Гадаад хэргийн дэд сайд Сүнь Вэйдун бараалхав

Монгол Улсын Ерөнхий сайд Г.Занданшатар Монгол, Хятадын Гадаад харилцааны дэд сайдын түвшний Стратегийн яриа хэлэлцээний VII удаагийн уулзалтыг хятадын талаас ахалсан БНХАУ-ын Гадаад хэргийн дэд сайд Сүнь Вэйдунг энэ сарын 11-нд хүлээн авч уулзав. Уулзалтын эхэнд Ерөнхий сайд Г.Занданшатар Хятадын Гадаад хэргийн дэд сайд Сүнь Вэйдун айлчилж байгаад баяртай байгааг илэрхийлж, БНХАУ-ын Төрийн зөвлөлийн Ерөнхий сайд Ли Чянд дорно дахины уламжлалт баяр болох “Хаврын баяр”-ын мэндчилгээг уламжлахыг хүсэв.