Загас, хоёр нутагтан, мөлхөгч, хөхтөн амьтны Улаан данс 19 жилийн дараа шинэчлэгдлээ

Монгол Улс байгаль хамгаалах Уур амьсгалын суурь конвенц (UNFCCC), Биологийн олон янз байдлын конвенц (CBD)-д нэгдэж, олон улсын өмнө үүрэг хүлээсэн байдаг. Монгол Улс амьтдын Улаан дансны анхны үнэлгээг 2006 онд хийснээс хойш 19 жилийн дараа 80 орчим судлаачид хамтран дахин үнэлж, 77 зүйл загас, 7 зүйл хоёр нутагтан, 25 зүйл мөлхөгч, 141 зүйл хөхтөн амьтдын популяцын төлөв байдлын зэрэглэлийг тодорхойлон дэвтэрлэлээ.