🏢 Монгол Улсын Засгийн газар

Г.Солонго болон Г.Адилбиш нар “Монголиа файсон энержи” компанийн кемпийн ажилчдын байр руу зөвшөөрөлгүй нэвтэрч, эд хөрөнгөнд нь халдаж, цахим орчинд нийтэлсэн. Цагдаагийн шалгалт хийгдэж, Дорнод аймгийн сум дундын анхан шатны шүүх хоёрын 30 хоногийн цагдан хорих шийдвэр гаргасан.

Нийслэлийн 149-р сургууль, Чингэлтэй дүүргийн Засаг даргын Тамгын газар, “Мейк Валью” ХХК хамтран нарны эрчим хүчний систем суурилуулж, сургуулийн ачаалал багасгаж, агаарын чанарыг сайжруулж байна.

Цөлжилттэй тэмцэх НҮБ-ын COP17 бага хурлын үеэр Эрүүл мэндийн сайд Э.Батшугар эмнэлгийн тусламжийн бэлэн байдлыг шалгаж, үүрэг чиглэл өглөө. Хурлын үеэр гадаад, дотоодын төлөөлөгчдийн эрүүл мэнд, аюулгүй байдлыг хангах зорилгоор ажлын хэсэг байгуулж, нийт 52 эмнэлгийн мэргэжилтэн, 9 эмнэлэг бэлэн байдалд ажиллаж байна.

Улаанбаатар хотод СОР17 хурлын "Ногоон бүс" павильоны нээлт болж, Байгаль орчин, уур амьсгалын өөрчлөлийн Сайд Ц.Сандаг-Очир, Ерөнхийлөгчийн зөвлөх Д.Сандагсүрэн нар оролцлоо. "Тэрбум мод" үндэсний хөдөлгөөний хүрээнд 140 сая гаруй мод тарьж, ойн сангийн хэмжээ 8.71 хувьд хүрсэн амжилтыг танилцуулж, Монгол Улс туршлагаа олон улсад хуваалцахаар зорьж байна.

Цөлжилттэй тэмцэх тухай НҮБ-ын конвенцын Талуудын 17 дугаар бага хурлын эхний хэвлэлийн хурал Хэвлэл мэдээллийн төвд боллоо. Саудын Арабын Хаант Улсын Байгаль орчны дэд сайд, UNCCD COP16-гийн Ерөнхийлөгчийн зөвлөх, доктор Осама Факеха мэдээллийнхээ эхэнд хэлэхдээ, Монгол Улсын Засгийн газар COP17 бага хурлыг зохион байгуулахад ихээхэн хүчин чармайлт гаргаж, сайтар зохион байгуулж буйд талархал илэрхийллээ.

Цөлжилттэй тэмцэх тухай НҮБ-ын Конвенцын Талуудын 17 дугаар бага хурал Монгол Улсад эхэллээ. Монгол Улсын Ерөнхий сайд Н.Учрал хурлыг нээж хэлсэн үгээр дэлхийн улс орнууд цөлжилт, газрын доройтол, гангийн асуудлыг шийдэх сорилт гэдгийг хүлээн зөвшөөрч ирлээ.