Эрэн сурвалжлагдаж байсан С-ийг Беларусь улсаас шилжүүлэн авчрав
Цахим мөрийтэй тоглоом зохион байгуулсан хэрэгт холбогдон олон улсад эрэн сурвалжлагдаж байсан иргэн С-ийг энэ сарын 13-нд Беларусь улсаас Монгол Улсад шилжүүлэн авчирчээ. Түүнийг 2022 оноос хойш шалгагдаж байхдаа гадаад руу оргон зайлсныг Интерполын тусгай ажиллагаагаар гуравдугаар сарын 17-нд Беларусьт баривчилсан байна. Энэ ажиллагааг ЦЕГ-ын Интерполын үндэсний төв товчоо болон бусад хууль хяналтын байгууллагууд хамтран амжилттай зохион байгуулсан.