
Хүүхдийн хэл ярианы хөгжлийг дэмжих чиглэлээр хамтран ажиллана
Эрүүл мэндийн яам болон Хэлний бодлогын үндэсний зөвлөл хүүхдийн хэл ярианы хөгжлийг дэмжих, эрт илрүүлэх, хэл заслын үйлчилгээний хүртээмжийг нэмэгдүүлэх зорилгоор хамтын ажиллагааны санамж бичиг байгуулсан. Энэ санамж бичигт хүүхдийн хэл ярианы хөгжлийн нөхцөл байдлыг судалж, мэргэжилтнүүдийн сургалт, урьдчилан сэргийлэх үзлэг, урьдчилан илрүүлэх тогтолцоог хөгжүүлэх, эцэг эхэд зөвлөмж гаргах зэрэг арга хэмжээг хамарсан байна.